Natura

In su coro de un’habitat nchi pro sa bio-diversidade rica, est riconnotu comente Sitiu de Importu Cumonitariu (SIC), si narat Sos Molinos-Sos Lavros-Monte Urtigu,e cue nde calat s’abba de sas funtanas chi dae su Monte Urtigu (1050 mt.) concruit in su Riu de Sos Molinos e alimentat una chedda de istrampitos mantiales fintzas a lompere a s’urtimu istrampu de importu ca su bacu basalticu tasit s’iscurrere in d’una trema iscenogràfica.
Dae Santu Lussurgiu diferentes possibilidades de bi andare portant a Sos Molinos e a su caminu ue abarrant sas testimonzas de sas màchinas idràulicas impreadas in àteros tempos pro s’usu de s’energia de s’abba pro molinare su laore o pro sa carcadura de su furesi, economias acostumadas in su Montiferru.

Cumintzende dae sos rocàrgios nuscosos de armidda e bruscadina, obertos e assolados, permitint a sa mirada de currere peri sa costa ovest dae su golfo de Aristanis a s’Alighera, peri àndalas chi atraessant sos buscos ombrosos de sos “patriarcas” mannos, sos elighes seculares de su Montiferru, arribas a su mare, e capitat si sèberas s’ora giusta, de atobiare sos abitantes suos prus gelosos, su cherbu e sas mulvas.