Tzentru istòricu

Santu Lussurgiu est una bidda minore posta in mesu de sa Sardigna, acanta a sa costa ovest, posta in su prus mannu monte vulcànicu de s’ìsula.
Est in su Montiferru, unu logu galanu meda ricu de funtana e buscos. In positzione bona pro pòrrere  connòschere sos logos prus ammajadores de sa Sardigna intrea.
Sos documentos istòricos narant chi sa bidda est crèschida cara a s’annu 1000 a inghìriu de sa crèsia de Santa Rughe cun su cultu de su màrtire Santu Lussugiu chi est ancora oe su patronu veneradu. In su tzentru istòricu, unu labirintu de caminos istrintos in impedradu antigu,  ue s’acrdan domos fraigadas in perda lavica, testimòniat s’orìgine medievale e de una istòria chi ammentat s’influèntzia de sos aragonesos (dae su 1409) e a su ruolu nch’at tentu Bernardino da Feltre fundadore de su Cumbentu de sos Paras Minores Osservantes chi aiant fraigadu sa Crèsia galana de Santa Maria de sos Ànghelos (1474)

 

A chi l’agradat s’istòria

Passìgia a intre bidda e mira sas architraves picadas segundu s’istile goticu-cadalanu, sos lachitos de perda basaltu, funtanèddas de abba, passa suta sas bòvedas e annota in s’arcu sos signos de sa canna lassados cando las aiant fraigadas. Si impreas comente guida sas fotografias de su Carrasegare postas in sas carreras, as a bidere unu contu in pinturas de sa traditzione de su ligàmene intre caddu e cavalleri a intro de sa comunidade de su logu.
Lea-di su tempus suo e gasi connosches sos fundamentos de sa cultura de su pastoriu e cussa de sos artesanos, s’istòria seculare de sos càntigos litùrgicos  e paralitùrgicos populares chi sunt duas realidades de importu e ancora oe los podes apretziare.

 

A chie cheret connòschere sa sabidoria culta e populare

Prennota-di cun nois pro una visita, a su Museu de sa Tecnologia Contadina “Francesco Salis”, a sa domo de sa Fondazione Hymnos, a sas butegas de sos artesanos de sa resòrgia, de sas seddas, de s’arte de sa distillàtzione e de su casu.