Santu Lenardu de Siete Fuentes
Est s’abba chi naschet dae sa Sete Funtanas chi at donadu su nùmene a su burgu de Santu Lenardu a pagos chilòmetros de Santu Lussurgiu. Abba de calidade, de propiedades organoleticas de importu. Su burgu est istadu fraigadu a inghìriu de sa crèsia de Santu Lenardu de Noblac dae sos paras ispidaleris de Santu Giuanne de Gerusalemme (XII sèculu) chi bi teniant unu cumbentu e un’ispidale. S’òrdine cara a su 1500 leat nùmene de Cavalleris de Malta. In su tempus su richesa de su padente fata de cherchigiolos (Quercus pubescens), castàngia (Castanea sativa) e èlighes (Quercus ilex) daiat valore econòmicu a su logu, a inghìriu de sa crèsia est crèschida in pàstinos regulares e seculares de cidros, ùlumos, àeras, tantu chi nche sunt istados postos in sa Retza Regionale de sos “Giardinos Istòricos de Sardigna”.
Dae Santu Lussurgiu unu caminu in-aneddadu ligat sa bidda a su burgu suo.
