In sa pitica biblioteca nostra bi sunt sos arrastos, sos nuscos e sos silèntzios de sas bibliotecas meravigiosas chi apo abitadu in sos annos in particulare de s’Angelica in Campo Marzio in Roma. Sa lughe chi nde pigat dae s’Ortu Botànicu, ispraghè-ndesi in sas mesas longas de sa Biblioteca de s’Accademia dei Lincei in sa carrera de sa Lungara, sas intradas riservadas de sa Biblioteca Vaticana. Dae Milano sa Veneranda Biblioteca Ambrosiana, frutu de su disìgiu de su Cardinale Federico Borromeo chi regollet sas resurtas de sa chirca dota e de cussa, chi amus a narrere oe “annoadora”, un’emotzione chi est parimighe a sa chi trasmitit peri sos muros de s’Archiginnasio de Bologna sos istemmas de sos mastros e de sos istudiantes chi ant frecuentadu dae su 1563 s’universidade famada. Lasso a un’ala, s’amentu malincònicu de sa Bibliotheca Augusta di Wolfenbüttel e bos invito a frecuentare custos logos fantàsticos, siendas de pòsidos trasmitidos a nois dae sa peraula iscrita.
A cussos logos, a cussos amentos est dedicada sa pitica biblioteca nostra, istimada Wunderkammer de s’albergo nostru. Invitamus sos ospites nostros a si tratennere cue e a passare bi oras de interessu in tranchillidade.
Comente s’impreat sa Biblioteca?
Cue agatas su chi ti serbit, sos libros nche los podes leare in aposentu tuo, lu podes custoire su tempus chi abarras cun nois. Si cheres ischire su chi t’interessat podes castiare on line su catàlogu nostru.
